MATERA – TÀRDE NUÈSTRE = 2 A 1… A CCI PÁRE, VE’ ‘MBÒRTE!

Divertentissima la cronaca in vernacolo di Aldo Salamino, che riesce a farci dimenticare l'amarezza della sconfitta di ieri pomeriggio

E ce ste’ sciucáme a purtiére volànde? ‘U príme ca si jàcchie, páre! Òsce MARANI, ‘u purtière nuèstre ca, onèste onèste s’ha sèmpre combortáte bbuéne, ha fàtte ‘nu páre de pàpere. ‘U príme gol ha státe da Gialappa pròprie! Quìdd’e ddóje carnevále de MENICOZZO e de MIALE s’hònne accíse úne cu’ ‘ll’òtre. MIALE, ha menáte ‘n’azzugnáte a MENICOZZO ca l’ha sgarráte ‘u gemèlle! ‘U gemèlle! Síne! E ce ccóse avíte capíte? No’nge stòche a ppàrle d’u fráte de MENICOZZO! Ma d’a jàmme! D’u polpàcce! Uètte pùnde de cusetúre l’ha mmíse PETROCELLI! Ca po’! Uètte pùnde ha pigghiáte MENICOZZO, tréte ‘u Tàrde Nuèstre e so’ ùnnece! Ehehehe! E mo’ quànne l’ama recupera’? ‘U purtiére, a pàrta sóve, ha ffàtte ‘n’assúte a farfàlle, ‘a príme e ‘a secònda vóte! Ha pigghiáte ‘u secònde gol a palummèlle! Avvuàndeeeeeeee purtieeeeeee’! P’u Matére hònne segnáte OLIVEIRA e PINO! E ssi’! PINO è ‘u cognóme! Ca veràmende jìrte accóme ‘nu píne jè ‘u uagnóne! Ha zumbáte ‘ngápe a tùtte e ha segnáte! Menumále ca CLEMENTE ha teráte ‘na bèlla punizzióne e ha ffàtte ‘u gol d’a fàcce! Comungue, òsce, no’nge m’ha piaciúte nisciúne! Áme rijaláte tre’ ppùnde a ‘sta squàdre ca no’ tténe pròprie niènde! Peccáte averamènde! Nemmànghe ‘nu parègge! Áme sciúte a ppèrdere pròprie cu’ ‘a squàdre de Gargamèlla…cóme se chiáme ‘u Presedènde d’u Matére! Ah no! COLUMELLA! Quìdd’òtre jé quìdde ca se vo’ ccu mànge le pùffe! Averàmende ‘u Presedènde d’u MATERA se mànge le sciucatúre e l’allenatóre e nóne le pùffe! ‘Mbra pìcche tòcche a TOMA! Beh! Pìgghie, ngàrte e ppuèrte a ccáse!Fòrza Tàrde Nuèstre!