MARIANO KELLER – TÀRDE NUÈSTRE = 1 A 5…ÙNGEME TÙTTE!

La straordinaria cronaca del polivalente artista tarantino, che alla fine lascia spazio ad una speranza: "Mo’ stáme ‘n’òtra vóte ô secònde pòste e speriáme ca pèrdene tùtte l’òtre òsce"

E vvaiiiiiiiiiiiiii! ‘A partíta passáte cug……ne – cug…..ne! A quèste, liúne-liúne! Uagnùùùùùùù cìnghe gol fóre de cáse no’ lle fa?eme da’lle tièmbe de nonónne! Menumále accóm’ha sciúte ca stàmme tùtte paúre-paúre vìste le mazzáte ca avèmme pigghiáte indr’a ccáse! Quànne MOLINARI ha fàtte ‘u príme gol ìndr’a quìdde spècie de càmbe de calcètte hàgghie dìtte accóme a quìdde vècchie tìrchie ca quànne ste’ mùreve e ‘u prèvete le ste’ menáve l’òlije sànde, le dumannò: Ma se páje l’òlije? ‘U prèvete dici’: Nóne!... E allóre, ùngeme tútte! E accussì HERNAN ha s?kattate tre bòmbe! Ha segnáte appríme MOLINARI, po’ HERNAN e p’ùrteme RODOLFO! L’òtre do’ gol l’hònne fàtte BALESTRIERI e CLEMENTE, ma ‘u sciucatóre ca ha státe ‘u mègghie de tùtte jè CICCIO MIGNOGNA. Ha fàtte tùtte cóse idde. Súse e sòtte c’u ‘a pàlle ô péte fa ca éve ‘nu motoríne. Ha ffàtte segna’ a tùtte. Po’ dìcene ca Cìcce è cannúse! Ce cannúse e cannúse! Púre VISCUSO, ha ffatte ‘na grànda partíte e tùtte quànte hònne fàtte ‘a pàrta lóre! Mo’ stáme ‘n’òtra vóte ô secònde pòste e speriáme ca pèrdene tùtte l’òtre òsce. Méne uagnù! Stàteve bbuéne e bbòna dumèneche!