PUTEOLANA – TÀRDE NUÈSTRE= 2 A 2…LE MUÈRTE ABBEVESCIÚTE

Il grande artista tarantino elogia i ragazzi di Papagni ed il loro ritrovato spirito combattivo: "Ce v’hònne dáte ‘u zabajone?"

Hònne abbevesciúte le muèrte! ‘A fàcce de Chirícheeee! E ce ccóse ha succèsse? Tùtte ‘na vóte s’hònne míse a sciuca’ ô pallóneeee?  Ce v’hònne dáte ‘u zabajone? Ha vede’ tu’, accóme fuscèveneeee! Speriáme ca no’ jè fuèche de nùzzele! Ce quìste è l’effètte de PAPAGNI putíme sta’ tranguìlle allóre! Ehehehe! M’avéne da rìdere! Áme sciucáte indr’a ‘nu càmbe de cucúzze! Pe’ nno’ parla’ de’lle spogliatóie! Però tenévene le balcóne! Ehehehe! Affacciáte ô balcóne stàvene, accóme a Giulietta e Romeo, CLEMENTE  e BALISTRERI ca ste’ facévene ‘u tífe pe’ CIARCIA’! ‘U clan de’lle siciliane! Ce sfurtúne però! Áme capíte ca quànne se fàsce mále ‘nu sciucatóre siciliáne, automaticamente se fànne mále púre l’òtr’e ddóje! Misteri! Ehehehe! Áme pigghiáte ‘u gol da fèsse, nemmànghe ha accumenzáte ‘a partíte. Po’ però s’hònne míse de cápe e de c…… e ha pareggiáte CIARCIA’. TA-RA-NDO! CIA-CIA- CIA-RCIA’. Quànne ha accumenzate ‘u seconde tèmbe ste’ facèmme ‘a frettáte. Rigóre còndr’ a nnúje! Menumále ca ‘u purtiére nuèstre, MARANI, l’ha paráte c’u péte! MIGNOGNA ha fàtte ‘nu partetóne! Púre MIGONI ha ffàtte ‘a partíta sóve! Hònne státe bbráve tùtte quànde…cchiù o méne! Púre nuje áme avúte ‘u regóre ma MOLINARI l’ha ‘nzaccáte a DESPUCCE (‘u purtiére d’a Puteolana). HERNAN, no’ge ha sciucáte bbuéne…ce sápe accom’è! Mah! Secondo voi, ‘u Tàrde, putéve vengere ‘sta partíte? Seeeeeeeeeeeee! Le fáve a’ séreeeee! E no’! No’ l’avèvana fa’ ‘a cacáte finále! Parègge ô novàndatre-ese-meeee! Pòlleeeeeeeeee! Mah! Accundendàmene! ‘Nu salúte tarandíne da Catàvete Salamíne!